Una sa lahat ay mag ahit at magpagupit ka at oo pati yang buhok mo sa ilong ay gupitin mo kadiri ka! Yung clean cut dapat. Rakista ka ba? Pwes muka kang mabaho, Hippy ka ba? Puro balakubak na yang dreads mo, o long hair ka ba? Tangina noong 80's pa uso yan. Alam ko na Hip Hop ka ba? Hoy itigil mo muna yang kakapanood mo ng fliptop. Kung hindi mo kamuka si Kurt Cobain o kasing galing ni eminem ay wala kang karapatan. Magpagupit ka na ng malinis, wala ng iba ok.
Pangalawa yung bulok mong ngipin ay ipaayos mo na. Huwag ka ng magtaka kung bakit ayaw ka kausapin ng crush mo kasi bad breath ka. Konting jogging at kilos din kung mataba ka, sabi nga nila if you cant take care of yourself how would you take care of others. Wala kang time mag gym? wala kang pera? oo kaya walang sumasagot sayong babae kasi itim ng siko at tuhod mo, akala mo ba astig ang chokobatok mo? kung hindi ka conscious sa sarili mo pwes conscious yung babaeng type mong makatabi ka.
Pangatlo yang bulok mong damit ay gawin mo ng basahan para naman matuwa sayo ang nanay mo. Ano nga ba ang tamang kasuotan? ang sagot ay Tshirt/Short jeans or pantalon, ayan lang wala ng iba. Kung ano yung nakikita mo sa TV na suot ng mga artista ay wag mong gayahin. Mag mumuka ka lang tanga. Wag kang trying hard. Kung hindi mo ma imagine ang sinasabi ko ay lumabas ka sa gabi at tignan kung ano ang suot ng mga call center agent. Sila ang pinaka the best na example. Bakit? Kasi napakasimple ng mga suot nila, basta tshirt/polo shirt lang at pantalon ay ok na, they are not trying hard to get other people attention dahil sa trabaho nila ay galing sa ingles ang kailangan nila. Ganun din sa panliligaw, magpakasimple ka lang, hindi mo kailangan bumili ng mamahaling damit o gamit pwera na lang kung mayaman ka. Ang daming ukay ukay dyan or sa divisoria mag tsaga ka mag ikot makakakita ka ng maganda at mura dyan.
Pang apat at medyo crucial to lalo na sa mga kagaya kong pulubi. Napaka importante ng pabango. Pag sinabi kong pabango ay hindi jovan o aficionado. Mag ipon ka kung estudyante ka pa lang or magtrabaho para makabili ka ng orig na pabango yung galing mall hindi yung galing cash and carry o tester na mabibili online o sa greenhills na puro fake. Ano ba ang mabango? Gamit ko ngayon ay D&G Light, Bvlgari extreme at kenneth cole black. Konting spray lang basta orig tsak bangong bango sayo ang mga chicks nyan. Syempre pati deodorant wag mong kalimutan ok.
Ayan lang naman ang pinaka importante, syempre yung pag papalit ng medyas at brief araw araw ay hindi ko na kailangan isama dyan, common sense na lang naman. I know you get the gist so til next post ulit.
